8000 METROTIK GORAKO 14 GAILUR

1- EVEREST TIBET-NEPAL 8.848 m
2- K2 (GODWIN-AUSTIN) KARAKORUM 8.611 m
3- KANGCHENJUNGA NEPAL-SIKKIM 8.598 m
4- LHOTSE HIMALAYA 8.511 m
5- MAKALU TIBET-NEPAL 8.475 m
6- DHAULAGIRI NEPAL 8.167 m
7- MANASLU NEPAL 8.156 m
8- CHO OYU TIBET-NEPAL 8.154 m
9- NANGA PARBAT CACHEMIRA 8.125 m
10-ANNAPURNA NEPAL 8.078 m
11-GASHERBRUM I CACHEMIRA 8.068 m
12-BROAD PEAK HIMALAYA 8.047 m
13-SHISHA PANGMA TIBET 8.046 m
14-GASHERBRUM II CACHEMIRA 8.035 m

EUSKAL ESPEDIZIOAK

"Oinak Izarretan" ETBren saioko taldea Txo Oiura doa neguan, Iñurrategiren mendi garaienetarako itzuleran
2002/11/03

Astelehenean irtengo dira, eta Aretxabaletako mendizalea zortzimila metroko mendietara itzuliko da, munduko 14 tontor garaienak zapaldu eta gero. Oraingoan Jon Beloki izango du laguntzaile.
Alberto Iñurrategi eta Jon Beloki Txo Oiu 8.021 metroko mendira doaz datorren astelehenean, azaroaren 4an, neguaren gogorrean gailurra lortzeko asmoz. "Oinak izarretan" ETBren dokumental sailaren atal berriak egiteko balioko du espedizioak, BBK eta Euskaltelen babespean. Aretxabaletako mendizalea zortzimilakoetara itzuliko da, munduko 14 tontor garaienak jo eta gero.
Oraingo honetan, Albertorekin batera Jon Beloki joango da mendira. Biek azaldu dituzte espedizioaren nondik norakoak, ETB, BBK eta Euskalteleko ordezkariekin batera.
Zortzimila metroko mendi bati neguan ekiteak xarma du mendizaleentzat.
Bakardadea, hotza eta haizea dira lagun bakarrak garai hauetan. Izan ere, udaberrian, mundu osoko espedizioak elkartzen dira zelai nagusietan, eta askotan elkarlanean aritzen dira bidea prestatu eta guztien egin beharrekoak samurtzeko.
Orain, berriz, ondo baino hobeto dakite inork ez diela lagunduko, eta zailtasunak euren kabuz gainditu beharko dituztela.
Bestalde, mendiarekiko errespetua ere areagotzen da bakardadearekin.
Txo Oiu mendia Tibet eta Nepal arteko mugan dago, eta ez dauka zailtasun berezirik ohiko bidetik igo ezkero. Neguan saiatzeak, ordea, haizea eta hotza ekarriko die espedizioko kideei. Ibilbidea gorabehera, ekinaldi zaila izango dute.
Alberto Iñurrategik 1995.eko irailaren 13an lortu zuen Txo Oiuren gailurra, Felix anaiarekin batera. Neguko esperientziari dagokionez, ez da lehenengo saiakera izango aretxabaletarrarentzat. 1997.eko neguan, Manaslura igotzen saiatu zen, anaiarekin eta Josu Bereziartuarekin batera; baina ezin izan zuten. Bi esperientziok lagungarriak izango direlakoan dago Alberto.
Kanpaleku nagusian beste bi lagun izango dituzte Iñurrategik eta Belokik: Gotzon Arribas, ETBko kameralaria, eta bertako sukaldaria.
Igoeraren irudiekin "Oinak Izarretan" ETBko dokumental saileko bi atal osatuko dira, baina ez dira osagai bakarrak izango. Mendiko parajeekin batera, Tibeten berri emango dute, bidean jasoko dituzten irudien bidez. Lasa Tibeteko hiriburutik pasatuko dira, eta bertako giro, jende eta ohiturak erakutsiko dituzte.

ALBERTO, BIZITZA BERRIARI EKITEN

«Helburu zailak lortzeko erotasun puntu bat behar da mendian»

Euskal mendizalerik aipagarrienetakoa da Alberto Iñurrategi atxabaltarra. 2000. urtean bizitzako kolperik gogorrena jaso zuen bere anaia Felix mendian hil zenean, baina horrek agian indar gehiago eman zion mendian jarraitzeko. 2002ko maiatzean zortzi milako bere hamalaugarren tontorra igotzea erdietsi zuen; «pisu hori gainetik kendu nuenetik askatasun gehiago dut mendian ibiltzeko».

ELKARRIZKETA

– Nola diren gauzak. Zortzi milako mendiren bat egin ez duzunetik, Alberto Iñurrategiren izena ez da hainbeste entzun hedabideetan. Badirudi zortzi milakoak eginez bakarrik lortzen dela jendearen eta komunikabideen ahotan egotea. Hala al da?

– Horrek ez nau ustekabean harrapatu, baina hamalau zortzimilakoak egin ondoren ere Cho Oyun izan nintzen, eta iaz zortzi mila metrotatik gertu dauden bi menditan izan nintzen... Baina, egia da hedabideetan ez dutela zortzi milakoen pisu hori. Horrek, hala ere, mendian ibiltzeko bestelako patxada eta askatasuna ematen du, presio gutxiago duzu, eta mendiarekin gehiago gozatzea dakar azken batean.

– Eta mendia zuk bezala maite duen batentzat ez al da etsigarria hori guztia?

– Zoritxarrez, zortzi milakoa izan edo ez, ez dira behar bezala baloratzen mendiko lorpenak. Finean, hemen garrantzitsua ez da zer, zergatik eta nola egiten duzun, baizik eta besteek zer ulertzen duten egiten duzun horretatik; hori besterik ez da hartzen kontuan. Baina hori dena nik neuk behintzat gaindituta dut.

– 2002an falta zitzaizun azken zortzi milako tontorra, hamalaugarrena, egin zenuenean, libreago sentitu al zinen?

– Pisua gainetik kentzen nuela sentitu nuen, eta zama hori gainetik kentzea gaur egun ikaragarri estimatzen dut. Askatasun gehiago dut orain, eta horren adibide da, hain zuzen, zortzi mila metro baino gutxiagoko bi mendi igotzen saiatu nintzela iaz. Hori mendizale batentzat sekulako luxua da.

– Mundu hau ezagutzen ez duenak pentsa dezake gero eta gorago igo gero eta zailagoa dela mendia. Hala al da?

– Egin dituen zortzi milakoen arabera baloratzen da mendizalea, eta betiere altuerarekin lotzen da duen maila. Hala pentsatzen duena, ordea, oker dago zeharo. Patagonian, Alaskan, Alpeetan eta Pirinioetan bertan ere, 3.000 edo 4.000 metroko mendi asko dago, eta horietako askok bide zailak dituzte. Zortzi milakoak igotzea egin daitekeen gauzarik zailena dela pentsatzen duenak ezagutza falta handia du.

– Zein da munduko tontorrik zailena?

– Tontorrak ezin dira era horretan sailkatu. Mendiak baino gehiago, mendi horrek dituen bideak dira zailtasuna dutenak, ez mendiak berak.

– Euskal alpinista asko dago batean eta bestean. Euskal mendizaleak al dira onenak alpinismoan?

– Hori da euskal zale askok uste dutena; hau da, zortzi milakoak urtez urte pilatzen ari garen bezala, mendizaleen maila handia dugula nazioartean. Nik esango nuke bigarren mailako mendizaleak garela. Beti izan da horrela, eta gaur egun ere hala da. Ezin da alderatu euskaldunok zortzi milako mendietan egiten ari garena eta Himalaian, ingelesak, eslovakiarrak, errusiarrak edo estatubatuarrak egiten ari direna.

–Zergatik erakartzen gaitu, ordea, hainbeste mendiak?

– Mendian bizi ditugun zirrarengatik. Egia da, halaber, euskal orografiak asko laguntzen digula, mendiak esku-eskura ditugulako. Bestalde, Euskal Herrian mendiaren inguruko tradizio handia dago, eta sentsibilitate berezia ere badago mendiarekiko. Oso txikitatik, gurasoek eta eskolek mendirako joera sartzen digute euskaldunoi.

– Jende askok pentsatzen du ero samarrak zaudetela alpinistak. Erotasun puntu bat behar al da tontor garaienetan eta bide zailenetan aritzeko?

– Helburu zailak betetzeko erotasun puntu txiki bat beharrezkoa da. Hala ere, mendian gozatzeko ez da zertan erotuta egon behar. Egun bizimodu normaltzat jotzen bada astean zehar lan egin eta asteburuan merkatalgune handi batera joatea edo futbol partida bat ikustea, horrekin alderatzen badugu, egia da mendizalea ero samarra dela; aisialdian sufritzen ibiltzeko, hotza pasatzeko... Baina erotasun puntu ‘sanoa’ da hori.

– Gure Himalaia pelikula eskaintzen ari zara orain batetik bestera. Zer ikus daiteke bertan?

– Mendiaren inguruko hainbat gogoeten proiekzioa da, eta gogoeta horiek egiteko 1990tik 1998ra Himalaian bizitako espedizioetan oinarritzen gara; gogoetak mendiarekiko, bizitzarekiko eta baita Himalaiako herriarekiko ere.

– Hire Himalaia pelikularen jarraipena al da?

– Osagarria. Hire Himalaiak 1998tik aurrerako espedizioak kontatzen zituen, baina emozio-karga handia zuen, sentimentala, anaiari egindako omenaldia zelako. Gure Himalaiak, berriz, beste karga bat du, autokritikoagoa eta atzera begira egiten den gogoeta sakona da.

– Proiekturik ba al duzu buruan?

– Ekaina hasieran Pakistan aldera jotzeko asmoa dugu 7.300 metroko tontor bat egiteko.

– Espedizio komertzialetan gidari gisa ikusten al duzu zeure burua?

– Hasiera batean ez behintzat. Horrek ez du esan nahi, ordea, etorkizunean ez dudanik halakorik egingo edo ez dudanik beste era batera ikusiko. Orain mendia gozatzeko eta ondo pasatzeko nahi dut. Azken urteotan nire ogibidea ere bihurtu da, baina sekula ez beste mendizale batzuen buru izanda.

– Entzun eta irakurri dugunagatik, badirudi gaur egun diruarekin edonork igo dezakeela zortzi milako bat edo Everest bera. Horrela al da?

– Gaur egun hala gertatzen da. Everest edo beste edozein zortzi milako igotzea eros daitekeen pakete baten barruan dago, baina horrek ez nau harritzen. Hemen eskuak berehala burura botatzen ditugu, baina bilakaera baten emaitza da dena. Tristeena da oraindik igoera horiei horrenbesteko garrantzia ematen jarraitzea. Hori ez da bidezkoa, baina bakoitza libre da gauzak nahi dituen edo ahal dituen moduan egiteko. Hori bai, gauza horiek nola kontatzen diren, horri neurria hartu beharra dago, eta zentzu horretan oraindik ez diogu behar den arretarik jartzen.

– Zer nolako aholkuak emango zenizkieke zu bezala alpinismoaren munduan sartu nahi duten gazteei?

– Probatzeko, azken batean zaletasuna probatuz sortzen baita, eta nire esperientzia oso positiboki baloratzen dut. Mendiak ikaragarri eman dit, oso kirol ederra eta osasuntsua da. Bere arriskuak ditu, baina mendiko abentura arriskurik gabe bizitzea zaila da, abentura puntu hori bizitzea.

– Fisikoki ezaugarri jakinik behar al da honetan aritzeko?

– Ez. Norberak duen gorpuzkera eta sasoi puntuaren arabera, bere neurriko helburuak jarri behar ditu. Hortik aurrera, edonoren esku dagoen zerbait da.

FELIX, BERTAN BETIKO

Iñurrategi eta Iriarte-tar Felix, bi anaietako handiena, Gasherbrum II jeisten galdu zuen bizia 2000ko uztailaren 28an. Bere hamabigarren zortzimilakoa lortu ondoren 400 metroetako maldatik behera erori zen. Gorpua Himalayan egongo da betirako.

Felix Aretxabaletan jaio zen 1967ko apirilaren batean. Hemeretzi hilabete beranduago bere anaia jaio zen, Alberto. Bertsotan iaioa zen eta Atarrabian nekazal perituaren ikasketak bete zituen. Felixek benetako grina erakutsi zuen mendian, eta Murrukixu Mendi Elkarteko ibilaldietan parte hartzen hasi zen. Laister bere anai Albertorekin eskalada eta mendian aritzen hasi zen. Felixek dena bikain kontrolatzeko dohaia erakutsi izan du bere igoera guztietan.

MENDIMINEZ liburuan 22 mendizaleen aurkezpena egiten da. HONA HEMEN FELIX INURRATEGIREN AURKEZPENA:

Zergatik neurtu mendiak metrotan, eta ez edertasunean? erakutsi zenigun, erakutsi zeniguten. Zergatik neurtu bizitza urtetan, eta ez ilusio gauzatuetan, edo urratutako bidearen dotorezian. Anaiak izateak beste lotura bat zemaion kordadari, berezko bi indar are indartsuago bihurtzen zituen, edozein proiektu ideia izatetik gailur bihurtu arteko maldak elkarrekin igotzen baitzituzten. Eta urratu zituzten bide berriak, mendian eta mendira bidean. Iritsi ziren 12 zortzimilako eta beste hainbat mendiren gailurrera, iritsi ziren Euskal Herriko hamaika herritara, iritsi ziren hainbat bihotzetara. Pausoak ez baitzituzten gorantz edo beherantz bakarrik ematen, aurrerantz eta barrurantz ere bai. Hortik sortutako hunkipena. Hortik utzitako arrastoaren sakona.

BERE HAMABI ZORTZIMILAKOAK

Data Mendia Altuera

1991/9/30 Makalu 8463 m.
1992/9/25 Everest 8848 m.
1994/6/24 K-2 8611 m.
1995/9/11 Cho-Oyu 8201 m.
1995/9/27 Lhotse 8516 m.
1996/5/6 Kangchenjunga 8586 m.
1996/10/11 Shisha Pangma 8027 m.
1997/7/13 Broad Peak 8047 m.
1998/5/22 Dhaulagiri 8167 m.
1999/7/29 Nanga Parbat 8125 m.
2000/4/25 Monaslu 8163 m.
2000/7/28 Gasherbrüm II 8036 m.

BUDAREN BEGIAK

Begi hauek oso ezagunak dira nepaleko kaleetan eta txoko askotan ikus ditzakegu marraztuta. Budaren begiak dira eta hauek edozer ikus dezakete. Kondaira batek dio, budak, begi hauen bidez, nepaleko biztanle guztien barrua ikus dezakeela.

EMAKUMEAK

TIBETEKOAK, AZKEN UKITUAK EMATEN ELKARRI

Qinghai-Tibet ibilbidea egingo duen trenari ongi etorria egiteko prestatzen dabiltz!

NEPALEKOAK, OSPAKIZUNETARAKO JANTZIEKIN

SHERPAK

Sherpak, jatorrian Nepaleko mendietako pertsonak ziren. Baina Himalayako expedizioetan mendi gidari eta laguntzaile gisa izan zuten garrantziagatik, sherpa hitza himalayako mendi ibilbideetan parte hartzen duen edozein mendi gidari izendatzeko zabaldu da.

Tinetanoz Shar hitzak Mendebalde esan nahi du. Pa berriz, "jende" esanahia duen aurrizki bat da. Bien baturatik dator Sharpa edo Sherpa. Emakume sherpei "sherpani" deitzen zaie. Zoologiko batzuetan, gidariei Sherpa izenaz ezagutzen zaie.

NEPAL-TIBET MUSIKA

TIBET-EKO TREKKING-A

Tibet izenak berak isolaturiko himalaya mendilerroaren inguruko sentimendu misteriotsuak ekartzen ditu gogora. Aintzinatik kultura budista errotuta duen lur honetan, monastegi artistikoak eta ehundaka urte dituzten carabana ibilbideakaurki ditzakegu. Tibet ohiz kanpoko norakoa da. munduaren sabaitzat ezaguna, Tibeteko eskualde autonomoa 4.00 metrotara dagoen goi-lautada batean zabaltzen da. Iparraldean Kunlun mendiez mugatua dago, hegoan berriz, Himalaya mendiez. 1,2 milioi areako extentsioa du eta 2,3 milioi inguruko biztanleria.

Ta ze trekking egin ditzakegu?

ANNAPURNAS TREKKING TOUR

TALDEKAKO IRTEERAK / BANAKAKOAK 2007-08

Nepal erdiguneko eskualdean gailentzen da Annapurnas mendigunea. Pokhara iparrean kokaturiko eremu hau, mendi ibilbideak gauzatzeko leku liluragarrienetarikoa da. Gainera, trekking honek, paisai desberdin ugari begibistatzeko aukera dakarki.

ANNAPURNAS TOURRA

Nepal´s Classic Trek izenaz ere ezaguna den ibilbide honek, Nepaleko paisai gehientsuenak ikusteko aukera ematen digu. Annapurnas eta Dhaulagiri gainetako ikuspegi ederrez gain, baso tropikaletik baso alpinora eta tibetar esteparako paisai aldaketa nabarmendu behar da.

Thoron La da igarobidea da ibilibide hoentako mutur gorenena, 5416mtara. "C" mailakotzat hartzen denez, beharrezkoa da goi mendian experientzia izatea eta sasoiko egotea.

Gehiago jakin nahi?

TIBETAR BUDA

NEPALEKO BUDA

BUDISMOA

BUDA, BUSIMOAREN SORTZAILEA
Siddharta Gautama zuen izena, eta geroago Buda
deitu zioten –“iluminatua”–. India eta Nepal arteko herrixka
batean jaio zen K.a. 556. urte aldera, familia noble
batean. Luxuz eta erosotasunez inguratuta hazi
zen. Arteak, zientziak ikasi zituen, eta ariketa fisikoak ere
garrantzia handia izan zuen haren heziketan. Gizartemaila
bereko emakume gazte batekin ezkondu zen, eta
seme bat izan zuten. Halere, bizitza-mota horrekin ez
zegoen gustura, eta bide berriak bilatzea erabaki zuen.
Etxetik alde egin aurretik, hirira egindako hiru bidaiatan,
lehen ikusi ez zituen ezbeharrak ezagutu zituen
Budak.

BUDISMOAREN LAU EGIA ZINTZOAK:
Budismoak, lau ideia garrantzitsu ditu hurrengo hauek hain zuzen:
1. Bizitza mingarria da.
2. Min honen zioa nahia da. Gero eta gehiago nahi dugunez, mina sentitzen dugu.
3. Badago itxaropenik. Mina bukatzeko bide bat dago.
4. Bide hau Bidezidor Zortzikoitz Zintzoa segitzean datza.

NEPALEKO JENDEA

Hemen duzue Nepalgo jendearen inguruko argazki erreportaia,

IKUSGARRIA DA, BENETAN!!!

NEPALEKO AURPEGIAK

HIMALAYA MENDIKATEA

Himalaiakoa planetako mendikaterik modernoenetakoa da, eta ospetsua da lurreko tontor garaienetako batzuk dituelako. Mendikate honek Nepal, Tibet, Bhutan eta Indiaren iparraldeko lurrak hartzen ditu. Pakistanek eta Txinak ere, Indiarekin lehian, hartzen dute Himalaiaren zati bat.
Duela 50 milioi urte, Indiako plakak eta plaka Euroasiarrak talka egitean, batetik, Indiako plakaren zati bat plaka Euroasiarrak xurgatu zuen, eta bestetik, horrek oso mendi garaiak altxarazi zituen, hots, Himalaia.
Aktibitate geologikoa inguru horretan oraindik ez da eten. Himalaia etengabe mugitzen eta aldatzen ari da (milimetro batetik hamarrera bitartean lekualdatzen eta altxatzen da urtero). Horregatik izaten dira lurrikarak maiz, eta horien ondorioz, lur-mugimenduez gain, lur desplazamenduak eta luiziak gertatzen dira, eta ingurumena suntsitzen duten giza jarduerek areagotu egiten dituzte.

SAGARMATHA NATIONAL PARK - TREKKING IN HIMALAYA

TIBET

Tibet
བོད་( Bod )
Ez da estatua

kokapena

Bandera

Hiriburua: Lhasa

Potala jauresia, Lhasa
Hiri nagusiak: Shigatse, Qando
Administrazioa: Txina
Dirua: Renminbi
Herritarra: tibetar
Hizkuntza(k): tibetera
Ofiziala(k): txinera

NEPAL

Nepalgo Erresuma

नेपाल अधिराज्य

Nepal Adhirajya

NEPALGO BANDERA

Lema nazionala: जननी जन्मभूमिष्च स्वर्गादिप गरियिस
(Ama eta Aberria Zeruetako Erresuma baino handiagoak dira)
Ereserkia: Rastriya Gaan
Hiriburua: Katmandu27°42′N 85°19′E

Hiri handiena: Katmandu
Hizkuntza ofiziala(k): Nepalera
Gobernua: Monarkia konstituzionala
- Erregea: Gyanendra
- Lehen Ministroa: Girija Prasad Koirala
- Bateratzea: 1768 abenduaren 21
Azalera:
- Guztira: 147.181 km
- Ur %: 2,8
Biztanleria:
- Estimaketa (2005): 27.676.547 (40.)
- Errolda (2002): 23.151.423
- Dentsitatea: 196 biztanle/km² (39.)
Dirua: Rupia (NPR)
Ordu eremu: NPT (UTC +5:45)
- Udan (DST) Ez (UTC +5:45)
Interneteko domeinua: .np
Telefono aurrezenbakia: +977
Herritarra: nepaldar

TIBET-NEPAL, MUNDUKO ARRIBITXIAK!!!

Kaixo Kuadrila!

Ni Maite Kanpox nauzue eta Tibet eta Nepal lurraldeek liluratuta naukatelako aurkezten dizuet blog hau.

Bertan bi lurralde hauetako txoko erakargarrienen berri, bertakoen bizimodu eta ohiturak aurkeztu eta bertara bidaiatuz gero egin daitezkeen trekkingak erakutsi nahi dizkizuet.

Espero dut bloga erakargarria izatea!!!